(लिजा) मा सुस्ता गाउँपालिका पहिलो रामग्राम नगरपालिकाले सबैभन्दा कम

नवलपरासीका स्थानीय तहमध्ये सुस्ता गाउँपालिका स्थानीय तह संस्थागत क्षमता स्वमूल्याङ्कन (लिजा) मा पहिलो भएको छ। संघीय मामिला तथा सामान्य मन्त्रालयले आर्थिक वर्ष २०८०/०८१ को लागि प्रकाशित गरेको गुणस्तर अन्तिम नतिजामा सुस्ता गाउँपालिकाले ८७% अंक ल्याएर उत्कृष्ट प्रदर्शन गरेको हो।

जिल्लाका सात स्थानीय तहमध्ये पाल्हीनन्दन गाउँपालिकाको विवरण उपलब्ध छैन भने रामग्राम नगरपालिकाले सबैभन्दा कम ७२.५०% अंक प्राप्त गरेको छ।

---

 

समग्र नतिजा

 

समग्र नतिजामा, सुस्तापछि प्रतापपुर गाउँपालिकाले ८५.२५% अंकसहित दोस्रो र सरावल गाउँपालिका ८१.५०% अंक ल्याएर तेस्रो स्थानमा रहेका छन्। अन्य स्थानीय तहहरूको अंक यस प्रकार छ:

• सुनवल: ८१%
• बर्दघाट: ७९.२५%
• रामग्राम: ७२.५०%

---

 

विषयगत क्षेत्रहरूको नतिजा

 

 

१. सेवा प्रवाह

 

• सुस्ता र प्रतापपुरले समान १३.५०% अंक प्राप्त गरी पहिलो स्थानमा रहेका छन्।
• सरावल १३% अंकसहित दोस्रो स्थानमा छ।
• अन्य स्थानीय तहहरूमा बर्दघाटले १२.५०%, रामग्रामले १२% र सुनवलले ११% अंक प्राप्त गरेका छन्।

 

२. भौतिक पूर्वाधार

 

• यो क्षेत्रमा सरावल पहिलो भएको छ।
• प्रतापपुर र सुनवलले समान १०% अंक पाएर दोस्रो स्थानमा रहेका छन्।
• सुस्ताले ९.५०%, बर्दघाटले ९% र रामग्रामले ७% अंक प्राप्त गरेका छन्।

 

३. विपद् व्यवस्थापन

 

• सुनवल र प्रतापपुरले समान ७.५०% अंक प्राप्त गरी पहिलो स्थानमा रहेका छन्।
• सुस्ताले ७%, सरावलले ६%, बर्दघाटले ५.५०% र रामग्रामले ३.५०% अंक प्राप्त गरेका छन्।

 

४. न्यायिक सम्पादन

 

• सरावलबाहेक सबै स्थानीय तहले समान ७% अंक प्राप्त गरेका छन्।
• सरावलले भने ६.५०% अंक प्राप्त गरेको छ।

स्थानीय तहको वर्तमान अवस्था र सुधारका लागि आवश्यक पक्षहरूको पहिचान गर्न यो मूल्याङ्कन गरिएको हो। यसले स्थानीय सरकारहरूबीच स्वस्थ प्रतिस्पर्धालाई प्रोत्साहित गर्ने लक्ष्य राखेको छ।