२६ नं. गणका गणपती एसपी सन्तोष रायमाझीको नेतृत्वमा सीमा क्षेत्रमा ‘तस्करी नियन्त्रण अप्रेसन

पुरुषोत्तम सुवेदी                               

सशस्त्र प्रहरीले पश्चिम् नवलपरासीको सीमा क्षेत्रबाट ठूलो परिमाणमा सनिवार अवैध मोबाइल एक्सेसरीज बरामद गरेको छ। जिल्लाको पाल्हीनन्दन गाउँपालिकास्थित नेपाल-भारत सीमा नजिकबाट करिब १७ लाख रुपैयाँ बराबरको सामग्री बरामद गरिएको हो।

‘सरप्राइज’ अप्रेसन सशस्त्र प्रहरी बल २६ नं. गण बेलासपुर र सीमा सुरक्षा गुल्म महेशपुरको संयुक्त टोलीले पाल्हीनन्दन-५, सिसवागाउँमा विशेष अप्रेसन चलाएको थियो। सो क्रममा भारतबाट अवैध रूपमा भित्र्याइएका मोबाइलका कभर तथा टेम्पर्ड ग्लासहरू बरामद गरिएको हो। बरामद गरिएका सामग्रीहरू आवश्यक लिलामी प्रक्रियाका लागि महेशपुर भन्सार कार्यालय पठाइएको सशस्त्र प्रहरीले जनाएको छ।

एक सातामै ९० लाखको सामग्री बरामद पछिल्लो समय नवलपरासी पश्चिममा सशस्त्र प्रहरीले तस्करी विरुद्धको अभियानलाई तीव्र पारेको छ। २६ नं. गणका अनुसार गएको एक साताभित्र मात्रैइलेक्ट्रोनिक सिगरेट (भेप),कफीका दानामोबाइल एक्सेसरीज

लगायतका झण्डै ९० लाख रुपैयाँ भन्दा बढी मूल्यका अवैध सामग्री बरामद गरी भन्सार बुझाइएको छ।

एसपी रायमाझीको कमाण्ड: व्यापारी उत्साहित २६ नं. गणका गणपती एसपी सन्तोष रायमाझीको नेतृत्वमा सीमा क्षेत्रमा ‘तस्करी नियन्त्रण अप्रेसन’ प्रभावकारी रूपमा अगाडि बढेको छ। भारतीय सीमा नाकाबाट हुने नियमित तस्करीमा प्रहरीले कडाइ गरेपछि स्थानीय वैधानिक व्यापारीहरूले खुसी व्यक्त गरेका छन्।

प्रहरीको सक्रियताले राजस्व चुहावट नियन्त्रण हुनुका साथै स्थानीय बजारमा हुने अस्वस्थ प्रतिस्पर्धामा कमी आउने विश्वास लिइएको छ।                            तस्बिर-अवैध मोबाइल एक्सेसरीज बरामद ।